آلودگی میں خطرناک حد تک اضافے سے بچوں اور بزرگوں کی زندگیاں خطرے میں ہیں،عمران خان

شیخوپورہ:وزیراعظم عمران خان نے کہا ہے کہ لاہور میں آلودگی کی سطح اس حد تک بلند ہوچکی ہے کہ بچوں اور ضعیفوں کی زندگیاں خطرے میں ہیں اور زیر زمین پانی کی سطح بھی کم ہورہی ہے. شیخوپورہ میں رکھ جھوک جنگل کی افتتاحی تقریب سے خطاب کرتے ہوئے انہوں نے کہا کہ اگر ہمیں اپنی نسلوں کے لیے بہتر پاکستان چھوڑنا ہے تو بہت ضروری ہے کہ پوری قوم مل کر اپنے آپ سے عہد کرلے کہ ہمیں اپنے ملک کو سر سبز و شاداب کرنا ہے، اللہ کی دی ہوئی نعمتوں کا شکر ادا کرنا ہے ان کا دھیان رکھنا ہے انہوں نے کہا کہ لاہور میں سیوریج کا تمام فضلہ دریائے راوی میں جاتا ہے اور چونکہ سیوریج پانی ٹریٹ نہیں کیا جارہا اس لیے یہ سارا سیوریج کا پانی دریائے سندھ میں بھی زیر زمین جارہا ہے جس سے زیر زمین پانی بھی آلودہ ہورہا ہے. انہوں نے کہا کہ میں نے اپنی آنکھوں سے ملک میں جنگلات کو تباہ ہوتے دیکھا ہے، پاکستان میں ہر قسم کی جنگلی حیات پائی جاتی تھی اور جیسے جیسے جنگلات کم ہوتے گئے جنگلی حیات بھی معدوم ہوتی گئی میں لاہور میں پلا بڑا یہاں میٹھا پانی آتا تھا، دیکھتے ہی دیکھتے وہ پانی خراب ہو، ماحولیات تباہ ہوئی، یہاں ایسی آلودگی کبھی نہیں تھی اسے باغات کا شہر سمجھا جاتا ہے انہوں نے کہا کہ راوی پروجیکٹ نہ صرف لاہور کے مستقبل کے لیے نہیں بلکہ پورے پاکستان کے مستقبل کے لیے انتہائی اہم منصوبہ ہے جو ہمیں روزاول سے معلوم تھا کہ مشکل ہے وزیراعظم نے کہا کہ اگر یہ منصوبہ مشکل نہ ہوتا تو جنرل(ر)پرویز مشرف کے دور میں بن جاتا پنجاب اسپیڈ کے نام سے مشہور شہباز شریف بنا لیتے لیکن وہ نہیں بنا سکے. عمران خان نے کہا کہ عثمان بزدار کی حکومت یہ منصوبہ اس لیے بنائے گی کہ اتنے بڑے منصوبے اس وقت کامیاب ہوتے ہیں کہ جب انسان پختہ ارادہ کرلے، کشتیاں جلا کر جائیں یعنی واپسی کا کوئی راستہ نہ ہو اور ٹھان لے کہ جو بھی ہوجائے ہمیں اس منصوبے کو مکمل کرنا ہے انہوں نے کہا کہ مجھے معلوم ہے کہ اس ایک سال کے عرصے میں اس سلسلے میں کتنے مسائل کا سامنا رہا ہے ہر قسم کی مشکلات آئیں ہیں لوگوں نے حکم امتناعی حاصل کرلیے منصوبے کو تاخیر کا شکار کیا لیکن ہم اپنے عزم سے تمام رکاوٹیں دور کر بیٹھے ہیں وزیراعظم نے کہا کہ کسی منصوبے کا آغاز کرنا سب سے مشکل ہوتا ہے اور وہ ابتدا میں ہی ناکام ہوتے ہیں، ایک مرتبہ جب اتنا بڑا منصوبہ رفتار پکڑ لیتا ہے تو اسے کوئی نہیں روک سکتا انہوں نے کہ جب ہم نے اسمارٹ لاک ڈان لگایا تو دنیا بڑی حیران ہوئی کہ یہ کیا چیز ہے اور مذاق بھی اڑایا گیا لیکن اللہ کا شکر ہے کورونا کو جس طرح پاکستان نے قابو کیا ہے اس کی دنیا میں مثال دی جاتی ہے انہوں نے کہا کہ اب اسمارٹ جنگل بن رہا ہے جس میں ہواوے کے ساتھ ٹیکنالوجی کا استعمال کیا جارہا ہے جس میں ہر پودے کی نمو دیکھی جاسکے گی. وزیراعظم نے کہا کہ اگر کسی جگہ درخت کاٹا جائے گا تو سینسر کی وجہ سے فوری معلوم ہوجائے گا کہ یہاں درخت کاٹا جارہا ہے سائنس کا یہ مثبت فائدہ ہے اور اسمارٹ فاریسٹ کو پورے پاکستان کے لیے مثال بنایا جائیگا انہوں نے کہا کہ افسوس سے کہنا پڑتا ہے ہمارے درختوں کی بڑی تباہی کی گئی سال 2013 تک پورے پاکستان کی تاریخ میں صرف 64 کروڑ درخت اگائے گئے جبکہ صوبہ خیبرپختونخوا میں ہم نے 2013 سے 2018 تک ایک ارب درخت اگا ئے انہوں نے کہا کہ آنے والی نسلوں کا مستقبل محفوظ بنانے کے لیے جنگلات کو بحال کرنا ہوگا۔