حکمران غیرسنجیدہ، وفاق اور صوبے ایک پیج پر نہیں، مولاناغفور حیدری

کوئٹہ:جمعیت علماء اسلام کے مرکزی سیکرٹر ی جنرل مولانا عبدالغفور حیدری نے کہا ہے کہ حکومت کا متاثرین بحالی کیلئے کردار نہ صرف قابل غور بلکہ قابل تشویش ہے۔ملک میں مزدور اور دیہاڑی دار طبقے کی دادرسی کی ضرورت ہے امدادی سامان من پسند افراد میں تقسیم کئے جارہے ہیں جمعیت علما اسلام نے ملک بھر میں لاکھوں افراد میں راشن اور امدادی سامان تقسیم کئیے ڈاکٹرز کو سلام پیش کرتے ہیں کہ انہوں نے اپنی جان کی پرواہ کیے بغیر علاج ومعالجہ کیلئے وقت وقف کیاہے حکومت ہاتھ پہ ہاتھ دھرے بیٹھی ہے سینٹ اجلاس بلانے کیلئے پارلیمان کو اپنا کردار ادا کرنا ہوگا چیئرمین سینٹ کو تجویز دی ہے ان خیالات کا اظہار انہوں نے پارٹی وفد سے بات چیت کرتے ہوئے کیا مولانا عبدالغفور حیدری نے کہا کہ کرونا اس وقت عالمی وبا کی شکل اختیار کر چکی ہے پوری دنیا میں اس کے خلاف جنگ لڑنے کیلئے اقدامات اٹھائے جارہے ہیں جبکہ پاکستان میں آج بھی حکمران غیر سنجیدگی کا مظاہرہ کررہے ہیں کرونا کے خلاف جنگ میں وفاق اور صوبے ایک پیج پر نظر نہیں آرہے ہیں انہوں نیکہا کہ مشکل کی اس گھڑی میں ملک میں حکمران سیاست کررہے ہیں غریبوں کو سیاست کے ترازو میں تولنے کے بعد ان میں راشن تقسیم کیا جاتا ہے ملک میں کرونا کے باعث موجودہ لاک ڈاؤن میں متوسط طبقے کو نقصان پہنچا ہے حکومت وقت نے متاثرین کی بحالی کے لئے کوئی اقدامات نہیں اٹھائے ہیں جو کہ نہ صرف قابل غور بلکہ قابل تشویش ہیں انہوں نے کہا کہ ملک میں اس وقت مزدور اور دیہاڑی دار طبقے کی دادرسی کی ضرورت ہے جمعیت علماء اسلام نے ملک بھر میں اس وقت لاکھوں افراد میں راشن اور امدادی سامان تقسیم کئے ہیں ڈاکٹرز معاشرے کے فرنٹ لائن ہیروز ہیں ہم انہیں قومی خدمت پر سلام پیش کرتے ہیں کیونکہ انہوں نے جانوں کی پروا کئے بغیر عوام کی علاج و معالجہ کررہے ہیں انہوں نے کہا کہ ایسے حالات میں پارلیمان کو اہم کردار ادا کرنے کی ضرورت ہے اس لیے سینٹ کی اجلاس بلانے کے لئے چیئرمین سینٹ کو تجویز دے دی ہے