بلوچستان ہائیکورٹ میں وزیراعظم کی نا اہلی کیخلاف درخواست دائر
کوئٹہ: وزیر اعظم عمرا ن خان کی جا نب سے آصف علی زرداری کو دھمکی، بلوچستان ہائیکورٹ میں وزیراعظم کی نا اہلی کیلئے درخواست دائر کر دی گئی ۔ عمرا ن خان نے تحریک عدم اعتماد کواپوزیشن کی سیاسی مو ت اور آصف علی زرداری کو پہلا ٹارگٹ قرار دیا تھا۔وزیر اعظم کی نا اہلی سے متعلق آئینی درخواست سپریم کورٹ بار ایسوی ایشن کے سابق صدر امان اللہ کنرانی نے دائرکی۔ سابق صدر سپریم کورٹ بار امان اللہ کنرانی نے میڈیا سے سے گفتگو میں کہا کہ بطور پاکستانی شہری وزیراعظم کے خلاف آئینی درخواست جمع کروادی ہے۔انہوں نے کہا کہ عمران خان نے اپنے عہدے، آئین اور اخلاقیات کی خلاف ورزی کی ہے، آرٹیکل 9میں قانون کے مدنظر ہرشہری کا تحفظ لازمی ہے۔سابق صدر سپریم کورٹ بار کا کہنا تھا کہ وزیر اعظم نے صاف الفاظ میں آصف علی زرداری کو مارنے کی دھمکی دی، وزیراعظم عمران خان پر آرٹیکل 6لگنا چاہئے۔
