تیسرا ون ڈے, پاکستان کی آسٹریلیا کو بیٹنگ کی دعوت

پاکستان نے آسٹریلیا کے خلاف تیسرے ون ڈے میچ میں تاس جیت کر پہلے باؤلنگ کا فیصلہ کیا ہے۔لاہور کے قذافی اسٹیڈیم میں کھیلے جا رہے میچ میں پاکستان کے کپتان بابر اعظم نے لگاتار تیسرے میچ میں ٹاس جیت کر ایک مرتبہ پھر باؤلرز کو آزمانے کا فیصلہ کیا۔پاکستان نے میچ کے لیے ٹیم میں ایک تبدیلی کی ہے اور سعود شکیل کی جگہ آصف علی کو فائنل الیون میں شامل کیا گیا ہے۔آسٹریلیا کی ٹیم میں بھی ایک تبدیلی کی گئی ہے اور مچل سویپسن کی جگہ جیسن بہرنڈروف کو ٹیم میں شامل کیا گیا ہے۔واضح رہے کہ دونوں ٹیموں کے درمیان سیریز 1-1 سے برابر ہے اور آج کے میچ کی فاتح ٹیم سیریز بھی اپنے نام کر لے گی۔پاکستان: بابر اعظم (کپتان)، فخر زمان، امام الحق، محمد رضوان، افتخار احمد، آصف علی، خوشدل شاہ، شاہین شاہ آفریدی، محمد وسیم جونیئر، حارث رؤف اور زاہد محمود۔آسٹریلیا: ایرون فنچ (کپتان)، ٹریوس ہیڈ، بین میک ڈرمٹ، مارنس لبوشین، مارکس اسٹوئنس، کیمرون گرین، ایلکس کیری، شان ایبٹ، نیتھن ایلس، ایڈم زامپا اور جیسن بہرن ڈروف۔