اترپردیش، ریلوے پولیس کا علی گڑ ھ مسلم یونیورسٹی کے طلباپر بہیمانہ تشدد، 3 زخمی

لکھنو (مانیٹرنگ ڈیسک) بھارتی ریاست اتر پردیش میں ریلوے پولیس نے علی گڑھ مسلم یونیورسٹی کے طلبا کو بلا جواز بہیمانہ تشدد کا نشانہ بنایا۔ طلبااپنے کچھ جاننے والوں سے ملاقات کیلئے ریلوے سٹیشن گئے تھے۔ میڈیا رپورٹس کے مطابق ایک ویڈیو میں صاف دیکھا جاسکتا ہے کہ بھارتی پولیس کے تشدد سے یونیورسٹی کے پی ایچ ڈی سکالر مومن علی سمیت تین طلبازخمی ہوگئے۔مغربی بنگال کے ضلع مالدا سے رتعلق رکھنے والے زخمی طلباء کا کہنا ہے کہ پولیس اہلکاروں کی زبان سے واضح ہورہا تھا کہ وہ انہیں محض مسلمان ہونے کی بنا پر تشدد کا نشانہ بنا رہے ہیں۔ انہوں نے میڈیا سے بات کرتے ہوئے کہا کہ ہم اپنے جاننے والوں سے ملاقات کیلئے ریلوے سٹیشن گئے تھے جو اے ایم یو میں داخلہ ٹیسٹ کے بعد فراقہ ایکسپریس کے ذریعے واپس جا رہے تھے۔انہوں نے کہا کہ جب وہ ملاقات کے بعد واپس یونیورسٹی لوٹ رہے تھے تو پولیس اہلکاروں نے ہمیں روک لیا اور پوچھا کہ کہاں سے ہیں اور جب ہم نے کہا کہ ہم علی گڑھ مسلم یونیورسٹی کے طالب علم ہیں تو انہوں نے نہ صرف ہمیں گالیاں دینا شروع کردیں بلکہ شدید زدوکوب کیا، بعد ازاں تینوں زخمی کو علاج کیلئے اے ایم یو کے جواہر لعل نہرو میڈیکل کالج لے جایا گیا۔ اے ایم یو کے طلبا نے ریلوے پولیس کے خلاف ایف آئی آر درج کرائی ہے۔