اسرائیل کی غزہ پر بمباری ،جاںبحق افراد کی تعداد32تک پہنچ گئی
غزہ(انتخاب نیوز)اسرائیلی فورسز نے فلسطین پر دوسرے روز بھی بم برسا دئیے، تازہ ترین کارروائی میں چھ بچوں سمیت 32 افراد شہید، دو روز میں دو سو سے زائد فلسطینی زخمی ہو گئے۔غزہ میں صیہونی فورسز نے مظلوم فلسطینیوں پر بربریت کی انتہا کر دی۔ تازہ کارروائی میں اسرائیلی طیاروں نے غزہ کے رفیوجی کیمپ کو نشانہ بنا ڈالا،جس کے نتیجے میں بچوں سمیت 7 عام شہری شہید متعدد زخمی ہو گئے ۔اسرائیل نے ایک ہفتے تک اسلامک جہاد کے خلاف فضائی اور زمینی حملے جاری رکھنے کا اعلان کررکھا ہے۔فلسطینی مزاحمتی تنظیم اسلامک جہاد نے صہیونی فورسز کیخلاف جوابی کارروائی کا اعلان کرتے ہوئے اب تک 400 سے زائد راکٹ فائرکئے ہیں تاہم زیادہ تر کو فضا میں ہی تباہ کردیا گیا۔ سعودی عرب اور مصر نے اسرائیل کے مجرمانہ اقدام کی شدید الفاظ میں مذمت کرتے ہوئے نہتے فلسطینیوں کی شہادت پر گہرے دکھ اور رنج کا اظہارکیا ہے۔mk
