بلوچستان بھر میں حالیہ بارشوں سے متعدد ڈیمز ٹوٹنے کی تحقیقات شروع

کوئٹہ (انتخاب نیوز) وزیراعلیٰ بلوچستان معائنہ ٹیم کے چیئرمین حاجی عبدالصبور کاکڑ نے کہا ہے کہ بلوچستان بھر میں حالیہ بارشوں سے متعدد ڈیمز ٹوٹنے کی تحقیقات شروع کردی ہے ٹیم نے کئی ڈیمز کے ٹیکنیکل نقائص اور ناقص تعمیر کی نشاندہی کی ہے معائنہ ٹیم حالیہ مون سون بارشوں سے قبل ہی تحقیقات مکمل کرکے رپورٹ حکومت کو ارسال کرچکی ہے ،ان خیالات کا اظہارعبدالصبور کاکڑ نے میڈیا سے بات چیت کرتے ہوئے کیاوزیراعلی معائنہ ٹیم نے صوبے بھر میں حالیہ بارشوں سے متعدد ڈیمز کے ٹوٹنےکی تحقیقات شروع کردی ہیں انہوں نے کہا کہ بلوچستان میں حالیہ بارشوں کے دوران بڑی تعداد میں ڈیمز کے ٹوٹنے کی تحقیقات شروع کردی گئیںاس حوالے سے وزیر اعلی معائنہ ٹیم کے ممبران کو مختلف ڈویژنز میں ڈیمز کی تحقیقات کی ذمہ داریاں دی گئی ہیں، ان ممبران نے تحقیقات کا آغاز کردیا ہے تاہم کچھ علاقوں میں راستے بند ہونےکی وجہ سے وزیراعلی معائنہ ٹیم کے ممبران کو ڈیمز تک پہنچنے میں دشواریوں کا سامنا ہے۔ چیئرمین وزیر اعلی معائنہ ٹیم نے انکشاف کیا کہ حالیہ بارشوں کے دوران جو ڈیمز ٹوٹے ہیں، ان میں سے متعدد ڈیمز کی تعمیرکے حوالے سے معائنہ ٹیم حالیہ مون سون بارشوں سے قبل ہی تحقیقات مکمل کرکے رپورٹ حکومت کو ارسال کرچکی ہے ، ٹیم نے کئی ڈیمز کے ٹیکنیکل نقائص اور ناقص تعمیر کی نشاندہی کی ہے۔