بارشوں میں تجاوزات کی وجہ سے نقصانات زیادہ ہوئے ہیں، صوبائی مشیر داخلہ

کوئٹہ (انتخاب نیوز) صوبائی مشیر داخلہ میر ضیا اللہ لانگو نے گزشتہ روز ٍ کرخسہ ڈیم کا دورہ کیا اس موقع پر رکن صوبائی اسمبلی قادر نائل بھی ان کے ہمراہ موجود تھے اس موقع پر ڈی جی پی ڈی ایم اے،ڈپٹی کمشنر ومتعلقہ حکام نے انہیں بریفنگ دی۔اس موقع پر مشیر داخلہ و پی ڈی ایم اے میر ضیا ء اللہ لا نگو کا کہنا تھا کہ صوبائی حکومت کی پالیسی ہے کہ جہاں عوام متاثر ہووہاں عملی اقدامات کئے جا ئے وزیراعلیٰ بلوچستان کی جانب سے سیلاب متاثرین کیلئے ہدایات ہیں کہ متاثرین کی امدادکیلئے جہاں بھی آفیسران ہو وہ اس وقت بحالی کے اقدامات کرے امید ہے کہ حکومتی اقدامات کو آنے والوں وقتوں میں ا چھے الفاظ میں عوام یاد کریں گے عوام حکومت سے تعاون کریں گے۔ انہوں نے کہا کہ تجاوزات کی وجہ سے نقصانات ہوئے ہیں۔پی ڈی ایم اے نے صوبے میں بحالی کیلئے ہر ممکن اقدامات کر رکھے ہیں۔ہمارے آفیسران سیلاب بحالی میں ہر ممکن تعاون فراہم کر رہے ہیں۔صحافی حضرات سے گزارش ہے کہ اس وقت عوام کا حوصلہ بڑھائیں ڈیمز آبادی کے فائدے کیلئے بنائے جاتے ہیں۔اس وقت ہمیں عوام کا حوصلہ بڑھانا ہے نہ کہ انہیں ڈرانا ہے انہوں نے کہا کہ اس وقت الحمدللہ ڈیم مضبوط ہے۔آنے والے اسپیل کیلئے احتیاطی تدابیر ختیارکی جا رہی ہیں۔