چینی حکومتی وفد کو ملکہ الزبتھ کے تابوت تک جانے سے روک دیا گیا

لندن (مانیٹرنگ ڈیسک) چینی حکومت کے وفد کو ملکہ الزبتھ دوم کے تابوت تک جانے سے روک دیا گیا۔ برطانوی نشریاتی ادارے کی رپورٹ میں پارلیمانی ذرائع کے حوالے سے بتایا گیا کہ دارالعوام کے اسپیکر سر لنڈسے Hoyle نے چینی حکومتی وفد کو اجازت دینے سے انکار کیا۔ چین کی جانب سے چند برطانوی اراکین پارلیمان پر عائد پابندیوں کی وجہ سے یہ اجازت دینے سے انکار کیا گیا۔ ملکہ الزبتھ دوم کا تابوت ویسٹ منسٹر ہال میں موجود ہے جو وہاں 19 ستمبر تک آخری رسومات تک موجود رہے گا۔ چین کی جانب سے ابھی آنجہانی ملکہ کی تدفین میں شرکت کے حوالے سے کوئی فیصلہ نہیں کیا گیا۔ چینی وزارت خارجہ کی ترجمان کے مطابق اب تک اس حوالے سے کوئی فیصلہ نہیں کیا گیا۔ ترجمان نے کہا کہ انہوں نے اب تک ویسٹ منسٹر ہال میں چینی وفد پر پابندی کی کوئی رپورٹ نہیں دیکھی۔ ترجمان کے مطابق میزبان کے طور پر برطانیہ سفارتی پروٹوکولز سے آگاہ ہے اور وہاں مہمانوں کے ساتھ مناسب سلوک کیا جاتا ہے۔