لکی مروت ،پولیس موبائل پرمشتبہ افراد کا حملہ، 6 اہلکارجا ں بحق

لکی مروت(انتخاب نیوز) ہفتہ وار میلے میں پولیس موبائل پر مشتبہ افراد کے حملے میں 6 پولیس اہلکار جاں بحق ہوگئے۔پولیس کے مطابق لکی مروت میں ہفتہ وار میلے میں پولیس موبائل سکیورٹی کے لیے جارہی تھی کہ اس دوران موٹرسائیکل پر سوار مشتبہ افراد نے تھانہ ڈاڈیوالہ کی حدود میں موبائل پر اندھا دھند فائرنگ کردی جس کے نتیجے میں 6 پولیس اہلکارجاں بحق ہوگئے۔پولیس حکام کا کہنا ہے کہ مشتبہ افراد کے حملے میں جاںبحق ہونے والوں میں موبائل کا ڈرائیور اور ڈیوٹی انچارج اے ایس آئی بھی شامل ہیں جب کہ شہید ہونے والوں کی شناخت اسسٹنٹ سب انسپکٹر علم دین،کانسٹیبل پرویز ،احمد، دل جان، عبداللہ اور محمود کے ناموں سے ہوئی ہے۔ڈی پی او کے مطابق واقعے کے بعد علاقے کی ناکہ بندی کردی گئی اورمشتبہ افراد کی گرفتاری کے لیے سرچ آپریشن کیا جارہا ہے۔