عامر لیاقت حسین کی سابقہ اہلیہ دانیہ شاہ کی درخواست ضمانت مسترد

کراچی(انتخاب نیوز )جوڈیشل مجسٹریٹ شرقی کراچی کی عدالت نے مرحوم ایم این اے عامر لیاقت حسین کی تیسری سابقہ اہلیہ ملزمہ دانیہ شاہ کی درخواستِ ضمانت مسترد کر دی۔جمعہ کو جوڈیشل مجسٹریٹ شرقی میں مرحوم عامر لیاقت کی نازیبا ویڈیو وائرل کرنے کے مقدمے میں گرفتار بیوہ دانیہ شاہ کی درخواست ضمانت پر سماعت ہوئی جس دوران جوڈیشل مجسٹریٹ مکیش کمار نے درخواست ضمانت پر فیصلہ سناتے ہوئے ملزمہ درخواست ضمانت مسترد کردی۔گزشتہ سماعت پر عدالت نے فریقین کے دلائل سننے کے بعد فیصلہ محفوظ کیا تھا۔ واضح رہے کہ دانیہ شاہ پر عامر لیاقت کی غیر اخلاقی ویڈیو وائرل کرنے کا الزام ہے۔دانیہ ملک کے خلاف مرحوم عامر لیاقت کی صاحبزادی نے شکایت درج کروائی تھی۔گزشتہ روز جوڈیشل مجسٹریٹ شرقی کی عدالت نے ملزمہ دانیہ شاہ کی درخواستِ ضمانت پر فیصلہ محفوظ کیا تھا۔ سماعت کے دوران عدالت میں ایف آئی اے پراسیکیوٹر نے موقف اختیار کیا تھا کہ ویڈیو کب کہاں بنائی گئی پتہ نہیں چلا، ہمیں ریمانڈ نہیں دیا گیا تھا۔جس پر جوڈیشل مجسٹریٹ مکیش کمار نے کہا تھا کہ آپ کو 3دن کا ریمانڈ تو دیا گیا تھا، آپ جیل میں جا کر بھی تفتیش کر سکتے تھے۔فریقین کے دلائل مکمل ہونے کے بعد عدالت نے دانیہ شاہ کی درخواستِ ضمانت پر فیصلہ محفوظ کرتے ہوئے سماعت ملتوی کر دی تھی۔