پاکستان سپر لیگ کے آغاز سے قبل کوئٹہ میں نمائشی میچ ہوگا، تیاریاں مکمل

کوئٹہ(انتخاب نیوز)پاکستان سپر لیگ کے آغاز سے قبل کوئٹہ میں پشاور زلمی اور کوئٹہ گلیڈی ایٹرز کے درمیان نمائشی میچ ہوگا جس کے لئے تیاریاں مکمل کرلی گئی ہیں ۔ تفصیلات کے مطابق پاکستان سپر لیگ کے آغاز سے قبل کوئٹہ میں سپر مقابلے کیلئے تیاریاں مکمل کرلی گئی ہیں ، بگٹی اسٹیڈیم میں 5 فروری کو کوئٹہ گلیڈی ایٹرز اور پشاور زلمی کا جوڑ پڑیگا ، بابر اعظم پشاور زلمی، سرفراز احمد کوئٹہ گلیڈی ایٹرز کی قیادت کرینگے ، میچ میں سابق کپتان جاوید میانداد، شاہد آفریدی، محمد یوسف، انضمام الحق، معین خان، وہاب ریاض، کامران اکمل، عمر اکمل، واحد بنگلزئی، بسم اللہ خان، حسیب اللہ ایکشن میں ہونگے ۔ بلوچستان کے فینز کیلئے ٹکٹوں کی فروخت 30 جنوری سے شروع ہوگی ، میچ کے ٹکٹ المحمود مارٹ ائرپورٹ، گلزاری ٹریولز مری آباد، جان مال، ڈسکہ سپورٹس سٹور بگٹی سٹیڈیم اور بولان کرکٹ سٹیڈیم میں دستیاب ہونگے ۔ زلمی بمقابلہ کوئٹہ معرکہ پی ٹی وی پر براہ راست نشر کیا جائیگا ۔ چیئرمین پی سی بی نجم سیٹھی سمیت اعلی شخصیات بھی میچ دیکھیں گے ۔