کوئٹہ ‘ ڈاکٹروں نے ٹریفک حادثہ کے متاثرہ مریض کا چہرہ اصل حالت میں بحال کردیا

کوئٹہ ‘ ڈاکٹروں نے ٹریفک حادثہ کے متاثرہ مریض کا چہرہ اصل حالت میں بحال کردیا
کو ئٹہ( آئی این پی )ٹراما سینٹر کوئٹہ کے ماہر ڈاکٹروں کی ٹیم نے 6 گھنٹے طویل آپریشن کرکے روڈ ٹریفک ایکسڈنٹ کے متاثرہ مریض کا چہرہ اصلی حالت میں بحال کر دیا ایم ڈی ٹراما سینٹر سید یاسر حسین شاہ کے مطابق حادثہ کے بعد زخمی کی تصاویر میں دیکھا سکتا ہے کہ روڈ ٹریفک ایکسڈینٹ سے زخمی 28 سالہ ذبیح اللہ کا چہرہ بری طرح متاثر ہوا تھا اور شناخت کے قابل نہیں تھاایکسڈنٹ کی وجہ سے زخمی مریض ذبیح اللہ کا چہرہ، کھوپڑی میں ہلکے فریکچر، بائیں کان اور چہرے اور گردن پر شدید زخم سے پہچان میں نہیں آرہا تھا۔ٹراما سینٹر کوئٹہ کے ماہر ڈاکٹروں کی ٹیم نے 6 گھنٹے طویل آپریشن کرکے28 سالہ زخمی مریض ذبیح اللہ کی نا صرف جان بچائی بلکہ اس کے چہرے کی سرجری کر کے اصل حالت میں بحال کیا۔ آپریشن میں نیورو سرجن ڈاکٹر محمود کبزئی، زبانی اور میگزیلوفیشل سرجنز ڈاکٹر شازیہ اور ڈاکٹر یاسر بلال کبزئی،اینستھیزسٹ ڈاکٹر فرید ہاشمی اور ڈاکٹر بشیر اور ٹراما سینٹر کا تمام عملہ نے حصہ لیا۔ایم ڈی ٹراما سینٹر کا کہنا تھا کہ ٹراما سینٹر کے تمام طبی عملے کی اولین کوشش ہوتی ہے کہ مریض کی جان بچائی جائے اور مریضوں کو بہتر طبی سہولیات کی فراہمی کی جائے۔