سعودی عرب ، مختلف علاقوں میں بارش ،صحرائی وادیوں میں سیلابی صورتحال کا سامنا

ریاض(صباح نیوز)سعودی عرب کے مختلف علاقوں میں بارش کاسلسلہ شروع ہوگیا۔تبوک ریجن میں موسلادھاربارش اورژالہ باری سے صحرائی وادیوں میں سیلابی صورتحال کا سامنا ہے۔سعودی عرب کے موسمیاتی نام سازی کمیٹی کے رکن عبدالعزیزالحسینی نے بتایا ہے کہ تبوک اورشمالی علاقہ جات میں بارشوں کا سلسلہ شروع ہوا۔ پھر الجوف،حائل اور مدینہ کے کچھ حصوں اورریاض میں بھی ہوئی۔الحسینی نے وضاحت کی کہ بارش الباحہ،مکہ مکرمہ ،عسیر اور نجران کے کچھ علاقوں تک ہوئی۔تبوک کے شمال مغربی ساحلوں پرہلکی سے درمیانے درجے کی بارش ہوئی ۔اس سے قبل ان علاقوں میں ہوائیں چلیں،سعودی محکمہ موسمیات نے پیش گوئی نے ان علاقوں میں شدید بارش اور ژالہ باری کی پیشگوئی کررکھی تھی۔