سی ٹی ڈی کی پنجاب میں کارروائیاں، کالعدم تنظیموں کے 8کارکن گرفتار

لاہور(مانیٹرنگ ڈیسک)سی ٹی ڈی نے دہشت گردی کے خدشات کے پیش نظر کارروائی کرتے ہوئے لاہور سمیت مختلف شہروں سے 8 مشتبہ افراد کو گرفتار کرلیا۔سی ٹی ڈی حکام کے مطابق خفیہ آپریشن کے دوران لاہور سمیت دیگر اضلاع سے 8 مشتبہ افراد گرفتار کئے گئے۔ترجمان کے مطابق لاہور سے کالعدم تنظیموں سے تعلق رکھنے والے2ملزمان گرفتار ہوئے، گوجرانوالہ سے 4اور ڈی جی خان، بہاولپورسے ایک،ایک ملزم گرفتار ہوا۔ گرفتارمبینہ دہشت گردوں سے دھماکا خیزمواد، ہینڈ گرینیڈ اور لٹریچر برآمد کر لیا گیا۔ گرفتار مشتبہ افراد کیخلاف 6 ایف آئی آرزدرج کرکے کارروائی کا آغازکردیا گیا۔ترجمان سی ٹی ڈی کے مطابق مشتبہ افراد کو مختلف اضلاع میں 21 کامبنگ آپریشنز کے دوران گرفتار کیا گیا۔