شنگھائی تعاون تنظیم انگریزی کو تیسری باضابطہ زبان قرار دے، بھارتی وزیر خارجہ کا مطالبہ

گوا : بھارتی وزیرِ خارجہ ڈاکٹر ایس جے شنکر نے انگریزی شنگھائی تعاون تنظیم (ایس سی او)کی تیسری باضابطہ زبان قرار دینے کا مطالبہ کر دیا۔بھارتی ٹی وی کے مطابق بھارت کے شہر گوا میں شنگھائی تعاون تنظیم کے رکن ممالک کے وزرائے خارجہ کے اجلاس سے بھارتی وزیرِ خارجہ ڈاکٹر ایس جے شنکر نے افتتاحی خطاب کیا۔انہوں نے کہا کہ ایس سی او مبصرین، شراکت داروں کو سماجی و ثقافتی تقریبات کی دعوت دی ہے۔بھارتی وزیرِ خارجہ نے کہا کہ ایس سی او کثیرالجہتی تعاون اور امن و استحکام کے فروغ کو بہت اہمیت دیتا ہے۔ان کا مزید کہنا تھا کہ ایس سی او میں اصلاحات اور جدید کاری کے مسائل پر بات ہو رہی ہے۔بھارتی وزیرِ خارجہ ڈاکٹر ایس جے شنکر کا یہ بھی کہنا تھا کہ انگریزی کو ایس سی او کی تیسری باضابطہ زبان قرار دینے کے حمایت چاہتا ہوں۔