شام میں داعش کے کیمپوں سے 100 خواتین اور بچوں کو واپس تاجکستان بھیج دیا گیا

دمشق:وسط ایشیائی ملک تاجکستان کے حکام نے بتایاکہ سینکڑوں تاجک باشندوں کے دہشت گرد تنظیموں میں شامل ہونے کے بعد کو شام سے تقریبا 100 خواتین اور بچوں کو تاجکستان واپس بھیج دیا گیا۔تاجک وزارت خارجہ کے ترجمان نے غیرملکی خبررساں ادرے کو بتایا کہ ہم نے قازق حکام کی درخواست پر اپنے 104 ہم وطنوں کو وطن واپس بھیج دیا ہے ۔ ان افراد میں 31 خواتین اور 73 بچے شامل ہیں۔ اسی طرح قازقستان کے پانچ افراد یعنی ایک ماں اور اس کے چار بچوں کو بھی تاجکستان روانہ کیا گیا ہے۔بچے اور خواتین شمال مشرقی شام میں کرد فورسز کے زیر انتظام دہشت گرد خاندانوں کے کیمپوں میں تھے اور غیر سرکاری تنظیموں نے ان کے حالات زندگی پر تنقید کی تھی۔ یاد رہے جولائی 2022 میں اسی طرح کے آپریشن میں 146 تاجک خواتین اور بچوں کو واپس کیا گیا تھا۔