کینیڈا کی آگ سے اٹھنے والا دھواں، نیویارک ایئرپورٹ کیلئے پروازیں معطل

نیویارک (مانیٹرنگ ڈیسک) نیویارک ایئرپورٹ کے لئے جانے والی پروازیں معطل کردی گئیں ۔امریکی فیڈرل ایوی ایشن ایڈمنسٹریشن نے کہا ہے کہ کینیڈا کی آگ سے اٹھنے والا دھواں نیوی گیشن کو متاثر کرتا رہے گا۔ ہم نے نیویارک ایئرپورٹ کے لیے جانے والی پروازیں معطل کر دیں۔کینیڈا میں جنگل میں لگی آگ کے دھویں نے نیویارک کو گھیرے میں لے لیا۔ اس آگ نے امریکہ کے مشرقی ساحل کے ساتھ ساتھ شہروں کو فضائی آلودگی کی وارننگ جاری کرنے اور ہزاروں افراد کو کینیڈا میں اپنے گھر خالی کرنے پر مجبور کر دیا ہے۔ تباہ کن آگ کی وجہ سے 20 ہزار سے زیادہ افراد اپنے گھروں کو چھوڑ کر بھاگ گئے ہیں۔ کینیڈا میں تقریبا 3.8 ملین ہیکٹر اراضی جل گئی، وزیر اعظم جسٹن ٹروڈو نے جنگل کی آگ کے اس موسم کو ریکارڈ شدہ تاریخ میں بدترین قرار دے دیا ہے۔ امریکی ماحولیاتی تحفظ کی ایجنسی نے کہا کہ شمال مشرقی امریکہ میں 100 ملین سے زیادہ لوگوں کو، اسی طرح مغرب سے شکاگو اور جنوب سے اٹلانٹا تک کینیڈا سے آگ کے دھوئیں کی آمد کے بعد آلودگی کی وارننگ موصول ہوئی ہیں۔ دھوئیں کے بادلوں نے نیویارک کی مشہور فلک بوس عمارتوں کو ڈھانپ دیا ہے۔ پروازوں میں اور کھیلوں کے مقابلوں میں تاخیر ہو رہی ہے۔میئر ایرک ایڈمز نے نیویارک سے بیرونی سرگرمیوں کو محدود کرنے کے لیے کہا کہ یہ میراتھن کی تربیت کا دن نہیں ہے۔ نیو یارک شہر کے سرکاری سکولوں میں تمام بیرونی سرگرمیاں معطل کر دی گئی ہیں کیونکہ سموگ نے مجسمہ آزادی اور مین ہٹن کے آسمان پر چھائی ہوئی ہے۔ حد نگاہ کم ہونے کی وجہ سے شہر کے ایئرپورٹس پر پروازوں کی آمد و رفت کم کردی گئی ۔