اسرائیلی فوج کی کارروائی ، 8 فلسطینی شہری گرفتار

الخلیل (مانیٹرنگ ڈیسک)اسرائیلی فوج نے مغربی کنارے کے جنوب میں الخلیل کے جنوب میں واقع یطا،راملہ اورنابلس سے 8 فلسطینی شہریوں کو گرفتار کر لیا۔غیرملکی خبررساں ادارے کے مطابق قابض فوج نے پانچ شہریوں کو اس وقت گرفتار کیا جب وہ یطا کے علاقے زویدین میں اپنی زمین پر بھیڑیں چرا رہے تھے۔صیہونی افواج نے صبح سویرے راملہ اور نابلس میں3 شہریوں کو گرفتار کیا، جبکہ ان فورسز کے شمالی مغربی کنارے کے شہر جنین پر دھاوا بولنے کے بعد جھڑپیں شروع ہوئیں۔ فوج نے 31 شہریوں کے خلاف بڑے پیمانے پر گرفتاریوں کی مہم چلائی جن میں سے زیادہ تر کا تعلق نابلس کے قصبے بیتا سے تھا۔