بطور چیف جسٹس مقدمات، فیصلوں کا نظام صاف شفاف بنانے کی کوشش کروںگا، قاضی فائز عیسیٰ

اسلام آباد (آئی این پی) سپریم کورٹ آف پاکستان کے جسٹس قاضی فائزعیسیٰ کا تحریر کردہ مراسلہ منظر عام پر آگیا جس میں انہوں نے بطور چیف جسٹس پاکستان مقدمات فیصلوں کا نظام صاف شفاف بنانے کی کوشش کا تذکرہ کیا ہے۔نجی ٹی وی کے مطابق جسٹس قاضی فائز عیسی نے سابق صدر ملتان بار کونسل ریاض الحسن گیلانی کو مراسلہ تحریر کیا۔ مذکورہ مراسلے میں انہوں نے کہا کہ بینچز کی تشکیل اور مقدمات کو سماعت کیلئے مقرر کرنے شفاف بنانے کی کوشش کرونگا۔ جسٹس قاضی فائز عیسی نے کہا کہ بار کے تعاون سے عدالتی نظام میں ریفارمز لانے کی کوشش کرونگا۔ خیال رہے کہ ریاض الحسن گیلانی نے عدالتی تعطیلات پر چیف جسٹس اور جسٹس فائز عیسی کو خط لکھا تھا۔