آئی ایس اور اس سے وابستہ دیگر کالعدم تنظیمیں دنیا کیلئے سنگین خطرہ ہیں، اقوام متحدہ

نیویارک (مانیٹرنگ ڈیسک) اقوام متحدہ نے داعش اور اس سے وابستہ دیگر کالعدم تنظیموں کو پڑوسی ملکوں کیلئے بدستور سنگین خطرہ قرار دے دیا۔ غیر ملکی خبر رساں ادارے کے مطابق اقوام متحدہ کی انسداد تخریب کاری کے ادارے کے عہدیدار نے سلامتی کونسل کو بتایا کہ داعش اور اس سے وابستہ تنظیمیں بشمول کالعدم ٹی ٹی پی نیٹو جیسے ہتھیاروں سے لیس ہیں۔ اقوام متحدہ نے خبردار کرتے ہوئے کہا کہ یہ تنازعات والے علاقوں اور پڑوسی ملکوں کیلئے سنگین خطرے کا باعث ہیں۔ رپورٹ کے مطابق جولائی میں پاکستان میں ہونے والے حملے میں بھی کالعدم تنظیم داعش ہی ملوث ہوسکتی ہے۔ عالمی ادارے کا مزید کہنا ہے کہ مربوط حکمت عملی کے بغیر صرف طاقت کا استعمال صورتحال کو مزید خراب کرسکتا ہے۔