ایشیا کرکٹ کپ، بھارت نے سری لنکا کو 41 رنز سے ہرا کر فائنل کیلئے کوالیفائی کرلیا

کولمبو (مانیٹرنگ ڈیسک) ایشیا کرکٹ کپ کے میچ میں بھارت نے سری لنکا کو 41 رنز سے شکست دیدی۔ بھارت کے 214 رنز کے ہدف کے تعاقب میں سری لنکا کی ٹیم 172 رنز پر آﺅٹ ہوگئی۔ بھارتی ٹیم 50 ویں اوور میں 213 رنز بناکر آﺅٹ ہوگئی، کپتان روہت شرما 53 رنز بناکر نمایاں رہے۔ بھارت نے ٹاس جیت کر سری لنکا کے خلاف پہلے بیٹنگ کرنے کا فیصلہ کیا۔ اوپنر شبمن گل 19 رنز بناکر آﺅٹ ہوئے، ویرات کوہلی3، کپتان روہت شرما 53 رنز اور کے ایل راہول 39 پر پویلین لوٹے۔ اس کے علاوہ ایشان کن 33 رنز بناسکے، اس کے علاوہ کوئی بھی بھارتی بیٹر سری لنکن اسپنرز کے سامنے زیادہ رنز نہیں بناسکا۔ 47 اوورز کے بعد بارش کے باعث میچ تھوری دیر روکا گیا تاہم کچھ دیر کے بعد کھیل دوبارہ شروع کیا گیا تھا تاہم 49.1 اوورز میں پوری بھارتی ٹیم آﺅٹ ہوگئی۔ سری لنکا کی جانب سے نوجوان اسپنر دونتھ ولالاج نے 5 کھلاڑیوں کو آﺅٹ کیا، اسپنر اسا لنکا نے 4 وکٹیں حاصل کیں جبکہ اسپنر مہیش ٹھکشنا کے حصے میں ایک وکٹ آئی۔ بھارت آج کا میچ جیتنے کے بعد ایشیا کپ کے فائنل کے لیے کوالیفائی کرجائے گا، جب کہ اگر سری لنکا یہ میچ جیتتا ہے تو اسے فائنل میں رسائی کے لیے صرف پاکستان کو شکست دینا ہوگی کیوں کہ اس کا رن ریٹ پاکستان سے بہتر ہوگا۔ اگر پاکستان نے سری لنکا کو بڑے مارجن سے ہرا دیا تو فائنل میں پہنچنے کا فیصلہ نیٹ رن ریٹ پر ہوگا۔