چینی وزیرخارجہ کی واشنگٹن میں امریکی ہم منصب سے ملاقات، دو طرفہ تعلقات پر تبادلہ خیال

واشنگٹن(صباح نیوز)چینی وزیر خارجہ وانگ یی نے واشنگٹن میں امریکی ہم منصب انٹونی بلنکن سے ملاقات کرکے دونوں ممالک کے درمیان دو طرفہ تعلقات پر تبادلہ خیال کیا۔اس موقع پر چینی وزیرخارجہ کا کہنا تھا کہ تعمیری بات چیت سے دوطرفہ تعلقات مزید مستحکم کرنے کیلئے پرامید ہیں، چین غلط فہمی کو کم کرنا چاہتا ہے۔ خیال رہے کہ چینی وزیرخارجہ صدر شی جن پنگ کے ممکنہ دورہ امریکا کی تیاریوں کیلئے واشنگٹن کے دورے پرہیں، امریکی صدر جو بائیڈن نے چینی ہم منصب کو سان فرانسسکو میں ایپک سربراہی اجلاس میں شرکت کیلئے مدعو کیا تھا۔