تین بار وزیر اعظم بننے والے کو 7 برس بعد انصاف ملا،جاوید لطیف

لاہور (صباح نیوز)مسلم لیگ( ن) کے رہنما جاوید لطیف نے کہا ہے کہ تین بار وزیرِ اعظم بننے والے کو 7 برس بعد انصاف ملا۔لاہور میں میڈیا سے گفتگو کرتے ہوئے جاوید لطیف نے کہا کہ انصاف دینے والے ناانصافی کریں تو ملک کس طرح ترقی کرے گا۔انہوں نے کہا کہ 8 فروری کے انتخابات میں 25 کروڑ لوگ اپنی عدالت لگائیں گے، 8 فروری کو 25 کروڑ لوگ نواز شریف کے حق میں فیصلہ دیں گے، ایک نوجوان سیاسی رہنما بھی 16 ماہ کی قومی حکومت کا حصہ تھا، نوجوان سیاسی لیڈر کو بخوبی پتہ تھا نواز شریف کو کیوں نکالا گیا تھا۔ا نہوںنے کہا کہ نوجوان سیاسی لیڈر کو علم ہونا چاہیے ذوالفقار علی بھٹو ووٹ کی عزت کے لئے گئے تھے اور پھانسی چڑھ گئے۔