پی ایس ایل 9، پشاور زلمی نے ملتان سلطانز کو 4 رنز سے شکست دیدی

راولپنڈی (انتخاب نیوز) پی ایس ایل 9 میں پشاور زلمی نے ملتان سلطانز کو 4 رنز سے شکست دے دی۔ پشاور زلمی کے 205 رنز کے ہدف کے تعاقب میں ملتان سلطانز کی ٹیم مقررہ 20 اوورز میں 5 وکٹوں پر 200 رنز بنا سکی۔راولپنڈی میں کھیلے گئے میچ میں پشاور زلمی کے کپتان بابر اعظم نے ملتان سلطانز کے خلاف ٹاس جیت کر پہلے بیٹنگ کرنے کا اتنخاب کیا۔ پشاور زلمی نے مقررہ 20 اوورز میں 5 وکٹوں کے نقصان پر 204 رنز بنائے، کپتان بابر اعظم 64 رنز بناکر نمایاں رہے۔اس کے علاوہ صائم ایوب 46، حسیب اللہ 31 اور آصف علی 11 رنز بناکر آﺅٹ ہوئے۔ رومین پاﺅل 23اور عامر جمال12 رنز بناکر ناٹ آﺅٹ ہے۔ملتان سلطانز کی جانب سے اسامہ میر نے 3 اور کرس جارڈن نے 2 وکٹیں حاصل کیں۔205 رنز کے ہدف کے تعاقب میں ملتان سلطانز کی ٹیم 5 وکٹ پر 200 رنز بناسکی، محمد رضوان 32، ریزا ہینڈریکس 5، ڈیوڈ ملان 19 رنز بناکر آﺅٹ ہوئے۔طیب طاہر 26، خوشدل شاہ 11 رنز بنا سکے۔ افتخار احمد 27 گیندوں پر 60 اور کرس جارڈن 12 گیندوں پر 30 رنز بناکر ناٹ آﺅٹ رہے۔پشاور زلمی کی جانب سے عامر جمال نے 2 ، نوین الحق اور مہران ممتاز نے ایک ایک وکٹ لی۔واضح رہے کہ ملتان سلطانز 12 پوائنٹس لیکر ٹاپ پوزیشن پر ہے اور پلے آف مرحلے کے لیے کوالیفائی کرچکی ہے۔ کوئٹہ گلیڈی ایٹرز اور پشاور زلمی 9، 9 پوائنٹس کے ساتھ دوسرے اور تیسرے نمبر پر ہیں، اسلام آباد 7 پوائنٹس کے ساتھ چوتھے، کراچی کنگز کا پانچواں اور لاہور قلندرز کا آخری نمبر ہے۔