قلات بجلی لوڈشیڈنگ، بی این پی نے 25مارچ کو کوئٹہ کراچی شاہراہ پر ہڑتال کا اعلان کرد یا

قلات(نمائندہ انتخاب) بلوچستان نیشنل پارٹی نے قلات میں واپڈا کے ناروا سلوک کے خلاف 25 مارچ کو کوئٹہ کراچی قومی شاہراہ ہر قسم کے ٹریفک کے لئے غیر معینہ مدت تک بند پہیہ جام ہڑتال کا اعلان کردیا ۔زمیندار طبقہ تاجر برادری کاروباری حضرات و عوام سے ہڑتال کامیاب بنانے کی اپیل، تفصیلات کے مطابق بلوچستان کے ضلع قلات میں گزشتہ تین مہینوں سے قلات میں بجلی کی طویل لو غیر اعلانیہ لوڈشیڈنگ کا سلسلہ جاری خصوصاً رمضان المبارک میں بجلی کی لوڈشیڈنگ میں مزید اضافہ کردیا گیا ہے اود دیہی علاقوں میں بجلی کی فراہمی کو چھ گھنٹے سے کم کرکے تین گھنٹہ کردیا ہے قلات سٹی کے لئے گزشتہ حکومت میں منظور کئے گئے تین فیڈرز پر کام تو مکمل کر لیا گیا ہے مگر واپڈا کی جانب سے ایک کیبل تار کا بہانہ کرکے ایک سال سے نئے فیڈرز کو اسٹارٹ نہیں کر رہے جبکہ ایکسیئن واپڈا مسلسل اپنے دفتر میں موجود نہیں ہوتے بجلی کی طویل لوڈشیڈنگ کے خلاف بلوچستان نیشنل پارٹی نے 25 تاریخ بروز پیر واپڈا گریڈ قلات کے سامنے بجلی کے غیر اعلانیہ لوڈشیڈنگ کے خلاف پہیہ جام ہڑتال کی کال دے دی ہیں جہاں پر مسئلہ کے مستقل حل تک غیر معینہ مدت تک احتجاج جاری رہے گا قلات کے تمام تاجر برادری زمیندار اور دیگر عوامی حلقے واپڈا کے ناروا سلوک کے خلاف ہڑتال میں شرکت کرکے کامیاب بنائیں