کم عمر ترین عازم حج مکہ میں ماں کی گود میں انتقال کرگیا

مکہ مکرمہ(صباح نیوز) کم عمر ترین عازم حج گرمی کی شدت کے باعث ماں کی گود میں انتقال کرگیا ۔ عرب میڈیا کی رپورٹ کے مطابق حج کے لیے مکہ مکرمہ آنے والا مصری کم عمر بچہ یحی محمد انتقال کر گیا ہے، جبکہ سیزن کا پہلا کم عمر بچہ بن گیا ہے، جو کہ حج کے وقت میں انتقال کر گیا۔ تفصیلات کے مطابق یحی محمد کا تعلق مصری کے کفر الشیخ صوبے سے تھا، تاہم وہ اپنی والدہ کے ہمراہ حج کی نیت سے آیا تھا۔ گزشتہ دنوں عرب سوشل میڈیا پر یحی کی تصاویر وائرل تھیں، جس میں والدہ کی گود میں موجود یحی اہرام پہنے ہوئے تھا، جبکہ معصوم بچے کے چہرے پر بھی مسکراہٹ تھی۔ گلف ٹوڈے کے مطابق مکہ شہر میں کم عمر ترین بچہ یحی گرمی کا درجہ حرارت برداشت نہ کر سکا اور خالق حقیقی سے جا ملا ہے۔ کم عمر بچے کو مکہ کے مقامی قبرستان میں نماز جنازہ کے بعد دفنایا گیا ہے۔