نیپال میں بارشوں نے تباہی مچا دی، 14 افراد ہلاک، متعدد زخمی و لاپتا

کھٹمنڈو (مانیٹرنگ ڈیسک) نیپال میں مون سون کی مسلسل ہونے والی بارشوں نے تباہی مچادی،مختلف واقعات میں کم از کم 14 افراد ہلاک ہوگئے۔ غیر ملکی میڈیا رپورٹس کے مطابق نیپال میں ان دنوں شدید مون سون بارشیں جاری ہیں جس کی وجہ سے سڑکیں ندی نالوں کا منظر پیش کرنے لگیں ہیں اور دریاﺅں میں پانی کی سطح خطرناک حد تک بلند ہوگئی ہے۔ حکام کا کہنا ہے کہ سیلاب اورلینڈ سلائیڈنگ کے واقعات کے باعث 36 گھنٹوں کے دوران14 افراد ہلاک،12 زخمی اور 9افراد لاپتہ ہوگئے ہیں۔ مقامی پولیس کا کہنا ہے کہ متاثرہ علاقوں میں ریسکیو ٹیمیں کام کررہی ہیں اور لاپتہ افراد کی تلاش بھی جاری ہے۔