برطانیہ نے پاکستان کیلئے نئی ٹریول ایڈوائزری جاری کردی

لندن/اسلام آباد (آئی این پی ) برطانیہ نے اپنے شہریوں کو پاکستان میں سفر کے لیے نئی ٹریول ایڈوائزری جاری کردی ۔ برطانوی حکومت نے اپنے شہریوں کو پاک افغان سرحد، خیبر پختون خوا کے شہروں اور بلوچستان کے بیشتر اضلاع میں سفر نہ کرنے، اس کے علاوہ آزاد جموں کشمیر میں ایل او سی کے اطراف میں 10 میل تک سفر نہ کرنے کی ہدایت کی ہے۔ برطانوی ایف سی ڈی او نے اپنے شہریوں کو تمام صوبہ بلوچستان ما سوا بلوچستان کے جنوبی ساحلی علاقوں کے سفر سے روک دیا ہے۔ اسی طرح بلوچستان کے جنوبی ساحلی علاقوں میں قومی شاہراہ این 10 موٹروے، اور این 25 سے بلوچستان سندھ بارڈر بشمول گوادر شہر کا بھی غیر ضروری سفر نہ کیا جائے۔