نیپالی ائیر لائن کا طیارہ تباہ، 5 افراد ہلاک

کھٹمنڈو(مانیٹرنگ ڈیسک) نیپالی ائیر لائن کا طیارہ ٹیک آف کے دوران کھٹمنڈو میں پھسل کر تباہ ہو گیا۔ غیرملکی خبررساں ادارے کے مطابق کھٹمنڈو ائیر پورٹ پر ٹیک آف کے دوران حادثے کا شکار ہونے والے سوریا ائیر لائن طیارے میں کریو ممبرز سمیت 19 افراد سوار تھے، حادثے کے فوری بعد طیارے میں آگ بھڑک اٹھی۔میڈیا رپورٹس کے مطابق طیارہ حادثے میں ابتدائی طور پر 5 ہلاکتوں کی اطلاعات ملی ہیں، فوری طور پر ریسکیو آپریشن شروع کر دیا گیا ہے، جہاز کے کپتان منیش سکایا کو ریسکیو کر کے ہسپتا ل منتقل کر دیا گیا۔طیارہ حادثے کی وجوہات تاحال سامنے نہیں آ سکی ہیں تاہم طیارہ ٹیک آف کے دوان پھسلن کے باعث حادثے کا شکار ہو کر تباہ ہوا۔