خالد مشعل کا نام حماس کے نئے سیاسی سربراہ کے طور پر سامنے آگیا

دوحہ(این این آئی)ایران میں میزائل حملے میں شہید ہونے والے اسماعیل ہنیہ کی شہادت کے بعد فلسطین کی مزاحمتی تنظیم حماس نے سیاسی ونگ کے نئے سربراہ کے چناﺅ کا عمل شروع کر دیا۔غیر ملکی میڈیاکے مطابق اسماعیل ہنیہ کی شہادت کے بعد خالد مشعل اور خلیل الحیا سمیت متعدد رہنماﺅں کے نام نئے سیاسی سربراہ کے طور پر لیے جا رہے ہیں۔ حماس نے اسماعیل ہنیہ کے متبادل کےلئے مشاورت کا عمل شروع کر دیا ہے تاہم یہ واضح نہیں ہو سکا کہ یہ عمل کب تک مکمل ہو گا۔ فلسطنی تنظیم کے ذرائع کے مطابق حماس کے سرکردہ رہنما یحییٰ الصنوار نے خالد مشعل کے بجائے خلیل الحیا کو حماس کے سیاسی ونگ کا سربراہ نامزد کرنے کا مشورہ دیا ہے۔