صوابی کے علاقے گندف میں چھوٹا طیارہ گر کر تباہ

صوابی (صباح نیوز)صوابی کے علاقے گندف میں منگل کی صبح ایک چھوٹا تربیتی طیارہ گر کر تباہ ہو گیا، تاہم خوش قسمتی سے کوئی جانی نقصان نہیں ہوا۔مقامی حکام کے مطابق، طیارے میں موجود عملے نے حادثے سے چند لمحے قبل پیراشوٹ کا استعمال کر کے اپنی جانیں بچا لیں۔ دونوں عملے کے ارکان حادثے میں بالکل محفوظ رہے، تاہم طیارہ مکمل طور پر تباہ ہو گیا۔حادثے کی وجوہات کی تحقیقات جاری ہیں، لیکن ابتدائی رپورٹس میں تکنیکی خرابی کو واقعے کی ممکنہ وجہ قرار دیا جا رہا ہے۔ایمرجنسی سروسز حادثے کے فورا بعد موقع پر پہنچ گئیں اور صورتحال کا تفصیلی جائزہ لے رہی ہیں