اوتھل، فورسز کی گاڑی لیاری کوسٹل ہائی وے پر الٹ گئی ایک اہلکار جاں بحق، 4زخمی
اوتھل (یو این اے ) فوج کی گاڑی بیلہ سے گوادر جاتے ہوئے کوسٹل ہائی وے لیاری کے مقام ٹائر برسٹ ہونے کے سبب الٹ گئی حادثے کے نتیجے میں ایک اہلکار جاں بحق اور 4 شدید زخمی ہوگئے تفصیلات کے مطابق لسبیلہ کے ضلعی ہیڈکوارٹر کی تحصیل لیاری کے مقام پر فوج کی گاڑی کا ٹائر برسٹ ہونے کے سبب 1 اہلکار جاں بحق اور 4 زخمی ہوگئے زخمیوں کو 1122مرک ایمبولینس کے ذریعے DHQہسپتال اوتھل پہنچایا گیا اطلاع پاتے ہی ڈپٹی کمشنر لسبیلہ حمیرا بلوچ، ڈسٹرکٹ ہیلتھ آفیسر لسبیلہ ڈاکٹر عبد الحمید بلوچ، میڈیکل سپرنٹینڈنٹ ڈاکٹر قمر رونجھو، پاکستان کوسٹ گارڈ اوتھل کے میجر جواد، ایف سی کے افسران اور ایدھی بلوچستان کے انچارج ڈاکٹر عبد الحکیم لاسی ڈسٹرکٹ ہیڈکوارٹر ہسپتال اوتھل پہنچ گئے زخمیوں کی عیادت کی۔ابتدائی طبی امداد دینے کے زخمیوں کو سرکاری ایمبولینس اور ایدھی ایمبولینس کے ذریعے PNشفا کراچی منتقل کر دیا گیا اس موقع پر کوسٹل ہائی وے پولیس بھی موجود تھی۔
