گوادر، جیونی میں پاکستان کوسٹ گارڈ کی گاڑی پر بم دھماکہ

کوئٹہ (آن لائن) بلوچستان کے ساحلی علاقے جیونی میں پاکستان کوسٹ گارڈ کی گاڑی کے قریب دھماکے کے نتیجے میں 5 اہلکار زخمی ہوگئے گاڑی کو شدید نقصان پہنچا تفصیلات کے مطابق گزشتہ روز جیونی کے علاقے میں بگوان چوک پر نامعلوم ملزمان کی جانب سے تخریب کاری کے لئے سڑک کے کنارے نصب کیا گیا دھماکہ خیز مواد پھٹنے سے قریب سے گزرنے والی پاکستان کوسٹ گارڈ کی گاڑی میں سوار 5 اہلکار زخمی ہوگئے دھماکے سے گاڑی کو نقصان پہنچا دھماکے سے علاقے میں خوف و ہراس پھیل گیا دھماکے کی اطلاع ملتے ہی مقامی انتظامیہ نے موقع پر پہنچ کر علاقے کو گھیرے میں لیکر زخمیوں کو ہسپتال منتقل کردیا مزید کارروائی مقامی انتظامیہ کررہی ہے۔