کوئٹہ ،ڈکیتی کی واردات، فائرنگ سے ایک شخص جاں بحق، دوسرا زخمی

کوئٹہ( این این آئی) کوئٹہ میں ڈکیتی کی واردات کے دوران فائرنگ سے ایک شخص جاں بحق دوسرا زخمی ہو گیا۔ پو لیس کے مطابق منگل کو کوئٹہ کے علا قے ہزار گنجی میں ڈکیتی کی واردات کے دوران فائرنگ کے نتیجے میں ایک شخص جاں بحق جبکہ ظفر اللہ زہری نامی شخص زخمی ہو گیا جنہیں فوری طورپر ہسپتال منتقل کر دیا گیا، واقعے کی اطلاع ملتے ہی سیکورٹی فورسز نے جائے وقوعہ پہنچ کر علا قے کو گھیرے میں لینے کے بعد شواہد اکھٹے کرکے ملزمان کی تلاش شروع کر دی ۔