ریاض ٹرین سروس میں معذوری سے دوچار افراد کے لیے خصوصی سہولیات

ریاض (این این آئی )سب کے لیے موزوں ماحول فراہم کرنے کے فارمولے کی طرف قدم بڑھاتے ہوئے ریاض میٹرو ٹرین جس کا حال ہی میں افتتاح کیا گیا ہے میں معذور افراد کے لیے ایک قابل ذکر تجربہ فراہم کیا گیا ہے۔میڈیارپورٹس کے مطابق ریاض میٹرو ٹرین میں ایک مربوط خدمات کا نظام ان کی ضروریات کو پورا کرنے اور ٹرین پروجیکٹ کا استعمال کرتے ہوئے نقل و حرکت کو آسان بنانے کے لیے ڈیزائن کیا گیا ہے۔ جبکہ رائل کمیشن برائے ریاض نے اپنے ایکس اکانٹ پر ایک ویڈیو کلپ نے شائع کیا ہے جس میں ٹرین کا استعمال کرتے ہوئے ایک معذور شخص کا تجربہ دکھایا گیا ہے۔ اس نے اس تجربے کے ساتھ ساتھ اس کی خدمات کی کارکردگی کو بھی سراہا۔ معذور مسافر کا کہنا تھا کہ فاصلے میں فرق کے ساتھ ساتھ یہ سفر بہت آرام دہ ہے۔ میں واپسی پر بھی اسی آرام دہ سفری سہولت سے گھر لوٹوں گا۔ٹرین اسٹیشنوں اور اس کی سہولیات میں داخلی راستے اور ٹریک شامل ہیں جو کہ معذور افراد کی ضروریات کو پورا کرنے کے لیے مدد فراہم کرتے ہیں۔ انہیں یہ اسٹیشن ایک ہموار اور محفوظ تجربہ کو یقینی بنانے کے لیے دستیاب ہیں۔