میری بحالی سے آئین و جمہوریت کی جیت، فارم 47 کی حکومت کی ہار ہوئی ہے، عادل بازئی

کوئٹہ (آن لائن) رکن قومی اسمبلی ملک عادل خان بازئی نے کہا ہے کہ میری بحالی سے آئین و جمہوریت کی جیت ہوئی ہے میں اللہ تعالی، پارٹی قیادت، کارکنان کی جدوجہد پر دعاء گو اور مشکور ہوں میری جیت سے فارم 47 کی نااہل حکومت اور بکائو الیکشن کمیشن کو شکست ہوئی ہے آج عمران خان کی سپاہی کی جیت اپنے لیڈر سے محبت کی دلیل ہے ۔ جاری بیان میں کہا ہے کہ بانی پی ٹی نے روز اول سے ملک میں آئین و قانون کی بالادستی کے لئے جدوجہد کی ہے آج انکو وطن عزیز سے محبت، عوامی شعور، حقیقی آزادی کی سزا دی جارہی ہے لیکن سچ کی جیت ہوکر ہی رہتی ہے میں اللہ تعالی، پارٹی قیادت ، کارکنان کی جدوجہد ، محبت اور دعائوں کا مشکور ہوں انشااللہ پہلے سے بڑھ کر اپنے قائد کی حکم پر لبیک کرتے ہوئے پارٹی قیادت، کارکنان اور اہلیان حلقہ کہ امیدوں پر پورا اتروں گا صوبائی صدر صدر داود شاہ کاکڑ نے کہا کہ ایم این اے عادل خان بازئی کی جیت اپنے لیڈر سے وفاداری کی ضمانت ہے انکی جیت سے فارم 47 کی ناجائز حکومت اور نام نہاد و نااہل الیکشن کمیشن کو شکست ہوئی ہے۔