بلوچستان کے نوجوانوں کو روزگار کی فراہمی کے لیے ہر ممکن اقدامات اٹھا رہے ہیں، شہباز شریف

اسلام آباد,کوئٹہ(یو این اے )وزیراعظم محمد شہباز شریف سے گورنر بلوچستان جعفر خان مندوخیل کی ملاقات میں صوبہ بلوچستان کی ترقی اور عوام کی فلاح و بہبود کے حوالے سے اہم امور پر تبادلہ خیال کیا گیا۔ اس ملاقات میں نائب وزیراعظم و وزیر خارجہ اسحاق ڈار اور پاکستان مسلم لیگ)ن( آزاد جموں و کشمیر کے صدر شاہ غلام قادر بھی موجود تھے وزیراعظم نے کہا کہ بلوچستان کی ترقی اور عوام کی فلاح و بہبود حکومت کی اولین ترجیح ہے اور اس کے لیے تمام تر وسائل کو بروئے کار لایا جا رہا ہے۔ انہوں نے کہا کہ بلوچستان کے نوجوانوں کو روزگار کی فراہمی کے لیے ہر ممکن اقدامات اٹھا رہے ہیں تاکہ وہ ملکی ترقی میں بھرپور کردار ادا کر سکیں وزیراعظم نے مزید کہا کہ بلوچستان کے قدرتی وسائل اور نوجوانوں کی توانائی کو صحیح سمت میں استعمال کرنے کی ضرورت ہے تاکہ یہ صوبہ پاکستان کی ترقی میں اہم کردار ادا کر سکے گورنر بلوچستان جعفر خان مندوخیل نے بلوچستان کے ترقیاتی منصوبوں میں خصوصی دلچسپی لینے پر وزیراعظم کا شکریہ ادا کیا اور ان منصوبوں کو جلد مکمل کرنے کی ضرورت پر زور دیا۔ انہوں نے کہا کہ بلوچستان کے عوام کو بہتر سہولتیں فراہم کرنے کے لیے حکومت کی حمایت اور رہنمائی بہت ضروری ہے ملاقات کے دوران پاکستان مسلم لیگ (ن)آزاد جموں و کشمیر کے صدر شاہ غلام قادر نے آزاد جموں و کشمیر کے توانائی کے مسائل کے حل کے لیے 23 ارب روپے کے پیکج کی فراہمی پر وزیراعظم کا شکریہ ادا کیا۔ وزیراعظم نے شاہ غلام قادر سے گفتگو کرتے ہوئے کہا کہ وہ اپنی بھرپور کوشش کریں تاکہ آزاد جموں و کشمیر کے عوام کو زیادہ سے زیادہ ریلیف مل سکے اور ان کے توانائی کے مسائل حل ہو سکیںملاقات میں بلوچستان کے امور پر تفصیل سے بات چیت کی گئی اور صوبے کے مختلف ترقیاتی منصوبوں کی اہمیت کو اجاگر کیا گیا۔ وزیراعظم نے اس بات پر زور دیا کہ بلوچستان کے عوام کو درپیش مسائل کو حل کرنے کے لیے حکومت ہر ممکن اقدامات اٹھا رہی ہے اور صوبے کی ترقی میں مزید تیزی لانے کی کوشش کی جائے گی