حب، پولیس چیک پوسٹ پر نامعلوم موٹر سائیکل سواروں کا دستی بم حملہ

حب(نمائندہ انتخاب ) حب ساکران روڈ پولیس چیک پوسٹ پر نامعلوم موٹر سائیکل سواروں کا دستی بم حملہ کسی جانی نقصان کی اطلاع نہیں ملی واقعہ کی اطلاع ملنے پر اعلیٰ پولیس افسران اور بم ڈسپوزل اسکواڈ موقع پر پہنچ گئے تفصیلات کے مطابق منگل کی شب حب شہر میں ساکران روڈ پر مینگل آباد پولیس چیک پوسٹ پر نامعلوم موٹر سائیکل سوار افراد نے دستی بم سے حملہ کیا پولیس کے مطابق دستی بم حملے میں کوئی جانی نقصان نہیں ہوا پولیس کے مطابق حملہ آور فرار ہونے میں کامیاب ہو گئے جبکہ وقوعہ کا معائنہ کرنے کیلئے پولیس کے اعلیٰ افسران اور بم ڈسپوزل عملہ موقع پر پہنچ گیا اور وقوعہ کا معائنہ کیا ۔