سینیٹر احمد خان کو 27ویں ائینی ترمیم کے حق میں ووٹ دینے پر پارٹی سے خارج کردیا ، جے یو آئی
ویب ڈیسک: اپوزیشن پارٹی جمعیت علماءاسلام نے سینیٹر احمد خان کو پارٹی سے نکالنے کا اعلان کردیا۔جے یو ائی اعلامیے کے مطابق سینیٹر احمد خان کو 27ویں ائینی ترمیم کے حق میں ووٹ دینے پر پارٹی سے خارج کیا گیا ہے۔اعلامیے کے مطابق سینیٹر احمد خان فوری طور پر پارلیمنٹ کے ایوان بالا کی نشست سے مستعفی ہوجائیں۔ احمد خان نے استعفیٰ نہ دیا تو نااہلی کے لیے الیکشن کمیشن سے رجوع کریں گے۔جے یو آئی کا کہنا ہے کہ فیصلہ سینیٹر مولانا عطاء الرحمان اور مولانا عبدالواسع کی سفارش پر کیا گیا ہے۔سینیٹر احمد خان کا تعلق بلوچستان سے ہے، انہوں نے 9 اپریل 2024ءمیں سینیٹ رکنیت کا حلف اٹھایا تھا۔27ویں ائینی ترمیم اپوزیشن کے شور شرابے میں سینیٹ سے منظور کی گئی، حکومت مطلوبہ 64 ووٹ مل گئے، پی ٹی ائی کے سیف اللّٰہ ابڑو نے بھی ترمیم کے حق میں ووٹ دیا اور بعد میں استعفے کا اعلان کردیا۔
