کوئٹہ میں فائرنگ سے نوجوان قتل دوسرا زخمی، مچھ میں ٹرالر کی ٹکر سے موٹر سائیکل سوار شخص جاں بحق
کوئٹہ(آن لائن) کوئٹہ کے علاقے سبزل روڈ پر نامعلوم افراد کی فائرنگ سے نوجوان ہلاک جبکہ اس کا بھائی زخمی ہوگیا واقع کے اطلاع ملتے ہی پولیس نے موقع پر پہنچ کر لاش اور زخمی کو ہسپتال منتقل کر دیا۔ پولیس کے مطابق سبزل روڈ پر مسلح افراد نے فائرنگ کر کے ایک شخص حفیظ اللہ کو قتل اور اس کے بھائی احسان اللہ کو شدید زخمی کر دیا اور فرار ہوگئے۔ پولیس نے لاش اور زخمی کو ہسپتال منتقل کرکے ضروری کارروائی کے بعد لاش ورثا کے حوالے کردی۔ قتل کی وجہ درینہ رنجش بتائی جاتی ہے، سیریس کرائم انوسٹیگیشن ونگ کر رہا ہے۔ علاوہ ازیں مچھ کے علاقے میں ٹریلر کی ٹکر سے موٹرسائیکل سوار ایک شخص جاںبحق ہوگیا۔ سبی اجتماع میں شرکت کیلئے جانے والا موٹرسائیکل سوار مچھ کے علاقے میں ٹرالر کی ٹکر سے جاں بحق ہوگیا جس کی شناخت عبدالسلام سکنہ مستونگ کے نام سے کی گئی۔ لاش ضروری کارروائی کے بعد ورثا کے حوالے کر دی گئی مزید کارروائی مچھ انتظامیہ کر رہی ہے۔
