وزیراعلیٰ خیبر پختونخوا کا کراچی میں بھرپور استقبال، سندھ حکومت کا پی ٹی آئی کو جلسے کی اجازت دینے کا فیصلہ

کراچی (ویب ڈیسک) وزیراعلیٰ خیبر پختونخوا سہیل آفریدی کراچی پہنچ گئے، سندھ حکومت نے پی ٹی آئی کو جناح گراﺅنڈ میں جلسے کی اجازت دینے کا فیصلہ کرلیا۔ وزیراعلیٰ خیبر پختونخوا کراچی کے دورے پر پہنچ گئے۔ پیپلز پارٹی رہنما اور سندھ کے وزیر سعید غنی نے کراچی ایئر پورٹ پر مہمان کا استقبال کیا۔ ناصر حسین شاہ کا کہنا ہے کہ پی ٹی آئی سمیت کسی بھی جماعت کی پرامن جدوجہد کو نہیں روکا جاسکتا۔ پی ٹی آئی نے جناح گراﺅنڈ، کورنگی اور ساﺅتھ میں بھی جلسے کی درخواست دی ہے۔ ناصر حسین شاہ نے کہا کہ پی ٹی آئی نے باغ جناح میں جلسے کی اجازت مانگی جو انہیں دی جارہی ہے، پی ٹی آئی کی لیڈر شپ سے جلسے سے متعلق بات چیت ہورہی ہے، کراچی میں جلسے کیلئے پی ٹی آئی قانون کے مطابق اجازت دی جاسکتی ہے۔ وزیر بلدیات سندھ نے مزید کہا کہ سہیل آفریدی سیاسی سرگرمیاں کریں جلسہ بھی کرسکتے ہیں، پی ٹی آئی سمیت کسی بھی جماعت کی پرامن جدوجہد کو نہیں روکا جاسکتا، قانون کی خلاف ورزی ہوگی تو مسائل پیدا ہوسکتے ہیں۔