جرمن عدالت نے سکول ٹیچرز کے ہیڈ سکارف پہننے پر پابندی غیر قانونی قرار دیدی

برلن ۛجرمنی کی وفاقی لیبر کورٹ نے کہا ہے کہ دارالحکومت برلن کے سکولوں میں ہیڈ سکارف پہننے والی ٹیچروں پر عمومی پابندی عائد کرنا غیر آئینی ہے۔ یہ فیصلہ ایک مسلم خاتون کے کیس میں دیا گیا ہے جنہیں شہر کے سرکاری سکول میں اس لیے کام کرنے سے روک دیا گیا تھا کہ وہ ہیڈ سکارف پہنتی ہیں۔ جرمنی کی وفاقی عدالت نے اپنے فیصلے میں کہا کہ اِن خاتون کے ساتھ ’مذہب کی بنیاد پر امتیازی سلوک کیا گیا‘ جو کہ خلافِ قانون ہے۔ عدالت کے اس فیصلے کے بعد بعض منتخب اراکین نے برلن کے متنازع قوانین میں تبدیلی کا مطالبہ کیا ہے۔