کمیشن کی سماعت، لاپتہ شخص کی کوئٹہ جیل میں موجودگی کی تصدیق

کوئٹہ:لاپتہ افراد کی بازیابی کے حوالے سے قائم وفاقی حکومت کے کمیشن نے کوئٹہ میں سماعت کا آغاز کردیاکمیشن میں پیر کوپہلے روزبارہ لاپتا افراد کے حوالے سے کیسز سنے گئے ایک لاپتہ شخص کا سراغ لگا لیا گیالاپتہ شخص کے کوئٹہ جیل میں موجودگی کی تصدیق ہوگئی۔محکمہ داخلہ بلوچستان کے مطابق وفاقی حکومت کی ہدایت پر لاپتہ افراد کی بازیابی کے لئے قائم کمیشن نے سکندر جمالی آڈیٹوریم میں پیر کوکیسز کی سماعت کا آغاز کردیا کمیشن کی سربراہی بلوچستان ہائی کورٹ کے سابق جج جسٹس فضل الرحمن کررہے ہیں کمیشن کی سماعت کے پہلے روز بارہ لاپتہ افراد کے کیسز کی سماعت ہوئی جن میں ایک لاپتہ شخص کا سراغ مل گیا جس کے کوئٹہ جیل میں موجودگی کی تصدیق ہوئی کوئٹہ میں لاپتہ افراد کے کمیشن کی سماعت 7نومبر تک جاری رہے گی اور اس دوران مجموعی طور پر 69کیسز سنے جائیں گے، تمام لاپتا افراد کا تعلق بلوچستان کے مختلف اضلاع سے ہے۔