پاکستانی سیاست میں گالم گلوچ رواج بن گیا ہے،نواب رئیسانی

سابق وزیراعلیٰ بلوچستان نواب محمد اسلم رئیسانی نے کہاہے کہ پاکستانی سیاست میں گالم گلوچ،الزام تراشی ایک دوسرے کو نیچا دکھانا رواج بن گیا ہے،سب اسلام آباد کی اندھیری گلی میں گھسنے کرسی سے چمٹنے کی کوشش میں مصروف ہیں،نومنتخب امریکی صدر اور دنیا کے لوگوں کی تعلقات انسانی حقوق اور امن کے اقدار پرمبنی ہونی چاہئیں۔ان خیالات کااظہار انہوں نے اپنے جاری کردہ بیان میں کیا۔انہوں نے کہاکہ افسوس ہے پاکستانی سیاست میں گالم گلوچ،الزام تراشی ایک دوسرے کو نیچا دکھانا رواج بن گیا ہے، خواتین کی احترام کے دعوے صرف کہنے کی حد تک ہیں، کوئی سیاسی بات نہیں سب اسلام آباد کی اندھیری گلی میں گھسنے کرسی سے چمٹنے کی کوشش میں مصروف ہیں،خلقِ خدا دیکھ لیں یہ ہے سیاسی دیوالیہ پن ہے،انہوں نے نومنتخب امریکی صدر جوبائیڈن کو مبارکباد پیش کرتے ہوئے کہاکہ نومنتخب امریکی صدر اور دنیا کے لوگوں کی تعلقات انسانی حقوق اور امن کے اقدار پرمبنی ہونی چاہئیں اور یہی انتظامی طورپر موضوع ہوناچاہیے۔