انسانی حقوق کونسل میں آپ کی موجودگی ناقابل برداشت ہے، عمران خان کے بیان پر یو این واچ کا ٹوئٹ

اسلام آباد:اسلام مخالف ایجنڈے پر کھل کر بات کرنے والے وزیر اعظم پاکستان عمران خان اسرائیل نواز این جی او کو کھٹکنے لگے اور کہا ہے کہ اقوام متحدہ کی انسانی حقوق کونسل میں آپ کی موجودگی قابل برداشت نہیں۔ نجی ٹی وی کی رپورٹ کے مطابق وزیر اعظم پاکستان عمران خان نے فرانسیسی صدر کے بیان پر ردِ عمل میں کہا تھا کہ آزادی اظہار رائے کی آڑ میں توہین مذہب قبول نہیں۔وزیر اعظم نے فرانس میں حضورؐکی شان میں گستاخی کے خلاف ٹوئٹ کیا، اسرائیل نواز این جی او یو این واچ نے وزیر اعظم کے ٹوئٹ پر نفرت پر مبنی جواب دیدیا، یو این واچ نے ٹوئٹ کیا کہ اقوام متحدہ کی انسانی حقوق کونسل میں آپ کی موجودگی قابل برداشت نہیں۔