کراچی: سی ٹی ڈی کی کارروائی، فائرنگ کے تبادلے میں 1 عسکریت پسند ہلاک،5گرفتار

کراچی: کراچی: سی ٹی ڈی کی کارروائی، فائرنگ کے تبادلے میں 1 عسکریت پسند ہلاک،5گرفتار رات گئے کراچی کا علاقہ شاہ لطیف ٹاون گولیوں کی تڑتڑاہٹ سے گونج اٹھا۔ کاونٹر ٹیررازم ڈیپارٹمنٹ نے عسکریت پسندوں کی موجودگی کی اطلاع پر چھاپہ مارا تو عسکریت پسندوں نے جدید اسلحے سے فائرنگ کر دی۔ دستی بموں
سے حملہ کیا اور سی ٹی ڈی کی بکتر بند گاڑی کو بھی نشانہ بنایا۔

سی ٹی ڈی نے بھی کمپاونڈ کا محاصرہ کر کے جوابی کارروائی کی، جس کے دوران فائرنگ کا تبادلہ ہوا اور ایک عسکریت پسند مارا گیا جبکہ 5 گرفتار کر لئے گئے۔ عسکریت پسندوں کے قبضے سے 4 کلاشنکوف، 4 خود کش جیکٹس، 15 دستی بم اور بارود سے بھرا رکشہ بھی برآمد کرلیا گیا۔ سی ٹی ڈی حکام کے مطابق تفتیش کی جا رہی ہے کہ عسکریت پسندوں کا تعلق کس گروپ سے ہے، اہم انکشافات متوقع ہیں۔