کورونا کی وبا کے دوران معمول سے زیادہ 10 لاکھ کم عمر بچوں کی شادیاں،اقوام متحدہ

واشنگٹن:اقوام متحدہ کے بہبود اطفال کے ادارے یونیسیف کیمطابق دنیا بھر میں کورونا وائرس کی وبا کے دوران معمول سے تقریبا 10لاکھ زیادہ بچوں کی کم عمری میں شادیاں کر دی گئیں،اس کے سبب برسوں سے جاری نابالغ بچوں کی شادیوں کے رجحان کے خلاف جدوجہد کو شدید نقصان پہنچا ہے۔ عالمی میڈیا کے مطابق یونیسیف نے انکشاف کیا ہے کہ کورونا وائرس سے لگنے والی مہلک بیماری کووڈ انیس کی وبا نے دنیا بھر میں خاص طور سے لڑکیوں کی زندگی پر گہرے منفی اثرات مرتب کیے ہیں، کورونا کی وبا کے سبب خاندانوں پر پڑنے والے اقتصادی بوجھ اور بے روزگاری کی وجہ سے بھی زیادہ تر متاثرہ خاندان لڑکیوں کی کم عمری میں شادیوں پر مجبور ہو گئے۔