داعش کا شامی فورسز پر حملہ، 6ارکان ہلاک

دمشق:آئی داعش نے شام کے شمال مغربی میں ادلب صوبے میں ایک حملہ کر کے شامی حکومتی فورسز اور اس کے ہمنوا مسلح گروپوں کے چھ ارکان کو ہلاک کر دیا۔ادھردلب کے جنوب میں معرہ النعمان کے دیہی علاقے میں دراندازی کرنے والے چارازبک شدت پسند مارے گئے۔میڈیارپورٹس کے مطابق شام میں انسانی حقوق کے نگراں گروپ المرصد نے بتایا کہ ادلب کے جنوب میں معرہ النعمان کے دیہی علاقے میں دراندازی کرنے والے چارازبک شدت پسند مارے گئے۔ علاقے میں شامی حکومتی فورسز کے ٹھکانے موجود ہیں۔ایک ہفتہ قبل داعش تنظیم نے ملک کے مشرقی صوبے دیر الزور میں ایک حملہ کر کے شامی حکومتی فورسز کے 7 ارکان کو موت کے گھاٹ اتار دیا تھا۔اسی طرح رواں سال فروری میں اسی صوبے میں گھات لگا کر حکومتی فورسز کے وفادار 26 مسلح افراد کو ہلاک کر دیا گیا تھا۔واضح رہے کہ 2019 میں عسکری طور پر ہزیمت سے دوچار ہونے کے باوجود داعش کے غیر فعال گروہ اب سرگرم ہو کر خون ریز حملے کر رہے ہیں۔المرصد نے اس بات کی تصدیق کی کہ مارچ 2019 سے اب تک دیہی علاقوں میں حملوں اور لڑائیوں میں شامی فوج اور اس کے ہمنوا گروپوں کے 1509 سے زیادہ ارکان ہلاک ہو چکے ہیں۔ اس دوران میں داعش تنظیم کے 930 سے زیادہ جنگجو مارے گئے۔ان کے علاوہ ایران کی ہمنوا ملیشیاؤں کے 153 غیر شامی ارکان بھی اپنی جانوں سے ہاتھ دھو بیٹھے۔ یہ تمام افراد فرات کے مغرب میں اور دیر الزور، الرقہ، حمص، السویدا، حماہ اور حلب کے دیہی علاقوں میں داعش تنظیم کی جانب سے دھماکوں اور گھات لگانے کی کارروائیوں میں مارے گئے۔