بھارتی ٹیم کی مسلسل شکست کی بڑی وجہ قسمت ہے، محمد عامر

اسلام آباد: قومی فاسٹ بولر محمد عامر نے ورلڈ کپ ٹی ٹونٹی میں بھارتی کرکٹ ٹیم کی مسلسل شکست کی بڑی وجہ ان کی قسمت کو قرار دے دیا۔ انہوں نے سوشل میڈیا پر جاری اپنے پیغام میں کہا کہ بھارت کی اس کارکردگی کے باوجود بھارت کو ہی ایک بہترین ٹیم مانتا ہوں۔انہوں نے کہا کہ کرکٹ میں اچھا اور برا دن بھی بہت اہمیت رکھتا ہے، ٹیم کی شکست پر کھلاڑیوں اور ان کے اہلِ خانہ کو برا بھلا کہنا شرمناک ہے۔محمد عامر نے کہا کہ ہمیں یہ نہیں بھولنا چاہیے کہ کرکٹ صرف ایک کھیل ہے۔